Policia e Elbasanit bën me dije se në kuadër të operacionit ‘Summer 2017 Elbasani’ me qëllim bllokimin e automjeteve motorike të trafikuara në Republikën e Shqipërisë nga vendet e BE-së, ka bërë të mundur sekuestrimin e 4 makinave të dyshuar të trafikuara dhe të falsifikuar numrin e shasisë.
Siç bëhet e ditur, mjete e sekuestruar dyshohet të jenë trafikuar nga vendet e BE-së në Republikën e Shqipërisë. Po ashtu, policia sqaron se ka proceduar penalisht 4 personat, të cilët akuzohen për “Trafikimi të mjeteve motorike” dhe “Falsifikimi të vulave, të stampave ose të formularëve”.
Gjithashtu janë arrestuar 2 persona të tjerë, për veprën penale ‘Prodhimi dhe mbajtja pa leje e armëve luftarake dhe e municionit”. Gjatë këtij operacioni, policia bën me dije se ka verifikuar 380 Automjete motorrike, janë shoqëruar 28 persona, 520 të tjerë janë kontrolluar si dhe janë vendosur 150 Masa Administrative nga Sektori I Qarkullimit Rrugor. Policia e Elbasanit edhe në ditët në vijim do të vijojë zbatimin e Plan – Operacionit “SUMMER 2017 Elbasani” me qëllim evidentimin dhe goditjen e paligjshmërisë .
ma.me
