Në prangat e Policisë së Prrenjasit ka rënë 40-vjeçari Ryzhdi Veizi, i cili akuzohet se ka ushtruar dhunë fizike dhe psikologjike ndaj bashkëshortes së tij.
Veizi ka dhunuar gruan e tij 34-vjeçaren E. V., e cila për shkak të plagëve të marra është shtruar në spitalin e Prrenjasit ku ndodhet nën kujdesin e mjekëve jashtë rrezikut për jetën.
Njoftimi i Policisë Prrenjas
Prrenjas
Ushtroi dhunë fizike dhe psikologjike ndaj bashkëshortes, arrestohet në flagrancë nga policia
Specialistët për Krimet, në Stacionin e Policisë Prrenjas, bënë arrestimin në flagrancë të shtetasit:
Ryzhdi Veizi, 40 vjeç banues në Prrenjas.
Arrestimi i tij, u bë pasi në banesë, gjatë një konflikti për motive xhelozie, dyshohet të ketë ushtruar dhunë fizike dhe psikologjike ndaj bashkëshortes së tij, shtetases E.V., 34 vjeçe, e cila ndodhet në spital, jashtë rrezikut për jetën.
Materialet i kaluan Prokurorisë së Rrethit Gjyqësor Elbasan për veprime të mëtejshme për veprën penale “Dhuna në familje” parashikuar nga neni 130/a/3 i Kodit Penal.
a.ç
