Mevlüt Mert Altıntaş është identifikuar si autori i vrasjes së ambasadorit të Rusisë në Turqi.
Tani policia turke po heton veprimtarinë e tij dhe ka arrestuar nënn dhe motrën e tij, sipas pamjeve të shfaqura në CNN-in Turk.
Atentatori ishte pjesëtar i policisë së Ankarasë, i specializuar për ndërhyrjen e shpejtë në raste përleshjesh me turmat.
Ministri i Brendhsëm dha ditëlindjen e tij si 24 qershor, 1994, në rajonin Söke të provincës Aydın.
Atentatori u vra nga policia pak pas ngjarjes. Ai kishte hyrë në ekspozitën që po hapej nga ambasadori rus, duke treguar dokumentin e tij të policisë ndërsa ishte i veshur me kostum.
“Kjo është për Halepin”, bërtiti ai, gjatë një monologue të filmuar në kamera. Media turke e identifikoi fillimisht si pjesëtar të Al-Nusrës, nisur nga fjalët që përdori, po me kalimin e orës, versioni që vrasësi ishte gylenist po zë më shumë vend si shpjegimi kryesor zyrtar./Ilyria/a.m.
Policia turke arreston nënën dhe motrën e autorit të vrasjes së ambasadorit rus
