Policia spanjolle, e cila është duke e hetuar rebelimin gjatë përpjekjes për pavarësi të Katalonjës, e ka publikuar një listë me disa emra të figurave publike, përfshirë edhe trajnerin e Manchester Cityt, Pep Guardiola.
Ish-lojtari dhe trajneri i Barcelonës e lexoi një deklaratë pro-referendumit për pavarësimin e Katalonjës nga Spanja më 11 qershor të këtij viti dhe për këtë arsyeje emri i tij figuron në listën e policisë spanjolle, transmeton Express.
“Ngjarja kishte për qëllim ta mbronte referendumin dhe nxiste rrugën e njëanshme”, thuhet në raportin e policisë, sipas El Nacional.
Në javët e fundit, Guardiola është duke e bartur një shirit të verdhë, duke treguar përkrahjen e tij për të burgosurit politikë të lëvizjes për pavarësinë e Katalonjës. (b.an)
