Të tjera detaje janë zbardhur në lidhje me vrasjen e Endri Mustafës në Shkodër. Sipas informacioneve paraprake bëhet me dije se Ibrahim Lici është i dyshuari kryesor për vrasjen e 32-vjeçarit, ndërsa policia e ka shpallur në kërkim.
Mësohet se Lici është shpallur në kërkim nga Policia e Shtetit.
Ndërkohë më herët u raportua se 8 persona u shoqëruan nga policia, ndërsa 2 prej tyre u ndaluan si të dyshuar që kanë dijeni për ngjarjen ose janë të përfshirë në krim.
Po kush është Ibrahim Lici?
Lici, është shpallur në kërkim për vrasjen e dy vëllezërve Astrit dhe Brahim Bilali, ngjarje e ndodhur më 2019. Lici është djali i Mustafa Licit, anëtarit demokrat të Këshillit Bashkiak në Shkodër. Fisi Lici prej vitesh janë në hasmëri me fisin “Bajri” dhe pikërisht këto konflikte dyshohet se kanë sjellë vrasjen e dyfishtë.
Ibrahin Lici në kërkim, dy vëllezërit Bilali
Në vitin 2017, Lici është arrestuar gjatë një operacioni nga policia në kryeqendrën e veriut, si “truri” i një bande gjobëvënësish. Së bashku me kushëririn e tij, Muhamet Licin, Ibrahimi qëndronte në krye të këtij grupi që ishin kthyer në tmerrin e tragtarëve të Shkodrës dhe i detyronin ata të paguanin shuma nga 1000 deri në 3000 lekë të reja në muaj. Lici u la i lirë disa muaj pasi u arrestua dhe u la në paraburgim, pasi edhe vetë tregtarët, që i kallëzuan, kërkuan lirimin e tyre me pretendimin se banda i mbronte nga keqbërësit e tjerë.
Me rreth, Ibrahim Lici
g.kosovari
