Policia e Tiranës ka shoqëruar për disa orë ish-edukatoren e kopshtit “Diren”, Elona Turdiu, të cilën e ka marrë në pyetje në lidhje me dhunën mbi fëmijët.
Pak ditë më parë u arrestua administratorja Anjeza Shabani, e cila u filmua teksa rrihte një fëmijë 3-vjeçar.
Për Turdiun nuk ka një filmim të tillë, por emri i saj ka dalë gjatë një tjetër kamere të fshehtë të emisionit “Stop”, ku një edukatore i tregonte një prindi për dhunën, duke thënë se “rrahja e fëmijëve ka nisur që në kohën e Elona Turdiut”.
Edukatorja e regjistruar thotë se Turdiu i rrihte fëmijët, madje tregonte edhe metodat çnjerëzore që përdoreshin, si mbulimi i fëmijëve me çarçafë, për të mos u lënë shenja nëp trup.
Sipas Gazetës Shqiptare, Turdiu ka pranuar në polici se edhe ajo i ka rrahur fëmijët, por ishte ajo që informoi prindërit e 3-vjeçarit për dhunën e Anjaza Shabanit ndaj fëmijës së tyre.
d.i.
