Edhe Policia Rugore është kundër tabelës së vendosur në autostradën Tiranë-Durrës. Të kontaktuar nga Java News, burime nga Policia e Rrugore kanë thënë se vendosja e tabelës që e kufizon shpejtësinë e automjeteve në 60 km/orë është një shqetësim edhe për vetë efektivët.
Sipas këtij institucioni, tabela është vendosur nga Ministria e Transporteve, e cila është autoriteti përgjegjës për caktimin e tyre, ndërsa policia vetëm monitoron respektimin e saj.
Mes Policisë rrugore dhe kësaj ministrie ka nje negociatë për ta ndryshuar tabelën për shkak të trafikut që krijon dhe ajo është vendosur përkohësisht.
“Le t’a mirëkuptojmë Ministrinë edhe këto 5 ditë që ka punime në autostradë. Policia do të propozojë zgjidhje edhe ndalimin e parakalimit të mjeteve të tonazhit të rëndë dhe autobusëve. Pra ndalimin e udhëtimit të tyre në krah të majtë, duke lejuar vetëm automjetet e vogla që të parakalojnë. Kjo do të ishte një zgjidhje pasi aksi ne fjalë ka kaluat nga rrugë interurbane, në rrugë urbane” – tha specialisti i rrugores për Java News.
Arsyetimi i vendosjes së tabelës kufizuese lidhet me sigurinë e jetës së punëtorëve në rrugë.
