E formuar 17 vjet më parë, Policia e Kosovës është profilizuar si strukturë e organizuar profesionale me të gjitha njësitet operative.
Ajo tashmë ka rreth 9 mijë punonjës, ndërsa është kompozuar me të gjitha njësitet funksionale, nga policia e lagjes e deri te njësitet elite të intervenimit të shpejtë.
E vlerësuar si policia më e mirë rajonale, Policia e Kosovës, sipas ekspertëve të sigurisë, ka disa sfida para vetes që duhet t’i tejkalojë.
Për shumëkënd Policia konsiderohet krenaria e vendit, shkruan gazeta Zeri.
E themeluar 17 vjet më parë, policia e Kosovës tani numëron mbi 8900 punonjës dhe vlerësohet si një ndër policitë më profesionale në rajon.
Kështu sipas ekspertëve të çështjeve të sigurisë, Policia e Kosovës gjatë këtyre viteve është ngritur profesionalisht dhe se tani është e aftë të luftojë krimin dhe të sigurojë sundimin e ligjit në vend.
Por, edhe pse Policia e Kosovës gëzon kredibilitet të lartë, sipas ekspertëve ajo ka sfida para vetes duke filluar me luftimin e krimit dhe korrupsionit brenda strukturave të veta… (b.an)
