Kanë mësyrë Kosovën, por nuk kanë marrë leje për ta vizituar këtë vend. Këtyre dy gazetarëve ruse, u ka mjaftuar leja nga Beograd për të ardhur në Mitrovicë. Por gabimin e tyre e kuptuan kur arritën në pikën kufitare në Jarinje. Policia e Kosovës i ktheu mbrapsht, shkruan Express.
Për në Serbi janë kthyer edhe shumë kamionë me produkte serbe e që s’kanë paguar doganën 100 për qind. Taksa prej 100 për qind po zbatohet edhe në pjesën veriore të Kosovës. Brenda ditës shumë pak kamion depërtojnë përmes kësaj pike kufitare; kryesisht ata që janë tranzit.
Ndërkaq për taksën pritet që serbët e veriut të protestojnë sërish.
Në këtë protestë po paralajmërojnë pjesëmarrje serbët e Mitrovicës së veriut, pasi sipas tyre kjo nuk është e mirë as për serbët, as për shqiptarët.
