Nje djalë i ri, me precedentë të mëparshëm penalë për vjedhjet e kryera në Durrës, është arrestuar nga policia, teksa ishte brenda një banese të cilën donte ta grabiste, por nuk ka mundur dot, pasi aty kanë mbërritur në kohë forcat e policicsë.
Kur ka parë uniformat blu brenda banesës, i riu në tentativë për të shpëtuar ka goditur me thikë një punonjës policie, por ky i fundit është shpëtuar nga koleget që kanë ndërhyrë në kohë.
“Gjatë kapjes në flagrancë autori ka tentuar të godasë me mjet prerës punonjësin e policisë, por është neutralizuar nga efektivet e Policisë”, bën me dije policia.
Sipas bluve të qytetit bregdetar parandalimin e vjedhjes së banesës së shtetasit Sh.Gj ka ndodhur në lagjen Nr.2 në Durrës.
“Falë informacionit të marrë nga qytetarët dhe reagimit të shpejtë të punonjësve të rendit është mundësuar kapja në flagrancë e autorit dhe neutralizimi i tij, ku gjatë ndalimit ka tentuar të godasë me mjet prerës njërin prej punonjësve të policisë
Ndërhyrja me profesionalizëm ka bërë neutralizimin dhe prangosjen e shtetasi O.T., 29 vjeç, banues në Durrës“, deklaroi policia.
Gjithashtu, policia bë me dije se është dokumentuar me prova shkencore se shtetasi i mësipërm dyshohet se më datë 27.09.2019, në lagjen Nr.15 ka vjedhur banesën e shtetasit A.L.
g.kosovari
