Policia italiane ka nxjerrë në rrugë dy automjete të shpejta dhe të shtrenjta Lamborghini për t’u vënë pas tre shqiptarëve që udhëtojnë me një Audi RS4 të verdhë, të cilët janë përgjegjës për aksidentimin për vdekje të një gruaje dhe vjedhjen e disa banesave.
Shqiptarët janë filmuar të thyejnë çdo rregull qarkullimi në autostradat të rajonit të Venetos dhe kjo ka alarmuar autoritetet italiane.
“La Republica” shkruan se nisur nga shpejtësia e lartë me të cilin lëvizin tre shqiptarët, policia u ka vënë pas dy Lamborghini, që mbahen si ndër mjetet më të shpejta dhe të shtrenjta në botë.