Një skenar i denjë për filma hollivudian, i tillë mund të quhet hetimi që çoi në identifikimin dhe më pas arrestimin e vrasësit të komisarit Artan Cuku, i cili u ekzekutua në 8 Prill në rrugën e “Kosovarëve” në Tiranë. Grupi hetimor siguroi prova të pakontestueshme biolgjike që lidhin shtetasin e arrestuar Mikel Shallari me vrasjen e komisarit në hyrjen e pallatit të tij.
Policia gjeti në një kosh mbetirunash në zonën ku u vra Cuku rroba të hedhura nga Shallari pas krimit. Nga to u sigurua material ADN-je që pas ekzaminimit në Zvicër u zbulua se i përkiste pikërisht shtetasit Mikel Shallari shkruan JavaNews. Për të verifikuar këtë provë të fortë, duke shtuar çdo dyshim, policia kreu edhe një tjetër verifikim.
Rrugorët ndaluan shtetasin Mikel Shallari, me pretendimin e një testi rutinë alkooli. Ai u ndalua 2 javë para arrestimit. Gypi i alkoolit i policisë rrugore më pas i’u nënshtrua ekspertizës nga polica shkencore e cila zbuloi se përputhej plotësisht me ADN-në e gjetur në rrobat e vrasësit.
Pas sigurimit të provave të pakntestueshme, policia mbajti nën vëzhgim Shallarin për të zbuluar prova të tjera rreth bashkëpunëtorëve apo porositësve, derisa u prangos ekzekutori. Aktualisht, janë shpallur në këkrim dy persona të tjerë që dyshohen se janë porositësit. Njëri prej tyre është arerstuar në vitin 2012 nga Artan Cuku, aso kohe drejtor i policisë së Vlorës./JavaNews/a.m.
