Një automjet tip “Benz”, i cili po lëvizte me targa të denoncuara më parë të vjedhura, është konstatuar nga një patrullë policie në zonën e Qafës së Kasharit në Tiranë.
Menjëherë pas konstatimit, patrulla u vu në ndjekje të mjetit me të cilin lëviznin 2 persona. Autorët rritën shpejtësinë dhe tentuan të arratisen duke u larguar drejt Fushë-Krujës, sapo vunë re efektivët e policisë. Personat e paidentifikuar janë larguar menjëherë nga vendi ku braktisën mjetin.
Mjeti është sekuestruar nga Policia dhe pritet t’i nënshtrohet ekzaminimeve për gjetjen e personave që udhëtonin.
/a.r
