Policia e Shtetit ka hequr liçencat e dy kompanive private të sigurisë fizike në pronësi të Klement Balilit dhe vëllait të tij.
Policia, që është institucioni që pajis me liçencë kompanitë e sigurisë fizike (polici private), ka vendosur të tërheqë lejeet e kësaj veprimtarie për kompaninë “Balili Co”, në emër të Klement Balilit dhe “Balili Co” në emër të Selim Balilit.
Këto kompani kanë fituar disa tendera publikë për ruajtjen e institucioneve mes të cilave edhe prokuroritë e Gjirokastrës dhe Sarandës.
Pas publikimit të lajmit në media, policia ka vendosur të heqë liçencat për këto kompani. Ndërkohë, Balili vijon të jetë ende në arrati dhe nuk ka asnjë informacion për vendodhjen e tij./a.m.
