Policia rrugore vijon aksionin kundër drejtuesve të mjeteve që shkelin rregullat e qarkullimit rrugor. Vetëm 24 orët e fundit janë gjobitur rreth 1522 drejtues automjetesh në të gjithë vendin.
Masat administrative janë dhënë për shkelje të ndryshme si; mosvendosje e rripit, përdorimin e celularit gjatë drejtimit të automjetit, parakalim i gabuar dhe shpejtësi tej normave të lejuara etj. Gjithashtu policia bën me dije se janë pezulluar edhe 36 leje drejtimi.
Rastet e gjobitura nga policia
212 raste për mos-vendosjen e rripit të sigurimit.
299 për përdorimin e celularit gjatë drejtimit të mjetit.
187 për parakalim të gabuar.
31 për shpejtësi tej normave të lejuara.
28 për mospërdorim të kaskës mbrojtëse
Ndërsa pjesa tjetër për shkelje të ndryshme si: mosrespektimi i semaforit, parkim i gabuar, mungesë dokumentacioni të mjetit etj.
Pezullimi i patentave
1 për drejtim mjeti nën ndikimin e alkoolit.
24 për shpejtësi tej normave të lejuara
11 për mosrespektim semafori dhe të ndryshme.
Po gjatë 24 orëve të fundit janë arrestuar 11 drejtues mjetesh nga këta:
7 për drejtim mjeti në gjendje të dehur.
4 për drejtim mjeti pa Leje Drejtimi
