Në zbatim të planit të masave të hartuar nga Drejtoria Vendore e Policisë Tiranë, për rritjen e parametrave të sigurisë Sigurisë, si rezultat i pikave të kontrollit të ngritura në akse të ndryshme të qytetit të Tiranës, është bërë e mundur kapja e personave në kërkim si dhe persona të cilët lëviznin me armë.
Më datë 03.05.2016, janë kapur dhe ndaluar shtetasit:
Rreth orës 12:00, u kap shtetasi në kërkim Alban Nozlli, 35 vjeç, banues në Tiranë. Pasi Gjykata e Rrethit Gjyqësor Tiranë, e ka dënuar me 4 muaj burg, për Veprën Penale ”Dhunë në familje”, parashikuar nga Neni 130/a/1 i Kodit Penal.
Rreth orës 15:30, në Lundër, u arrestua shtetasi Piro Ymeraj, 49 vjeç, banues në Tiranë. Gjatë kontrollit të mjetit tip “Range Rover”, i’u gjet dhe sekuestrua në cilësinë e provës materiale, një armë zjarri tip pistoletë e llojit “WALTHER”. Për veprën penale “Prodhimi dhe mbajtja pa leje e armëve luftarake dhe e municionit”, parashikuar nga Neni 278/3 i Kodit Penal.
Rreth orës 16:00, u kap shtetasi në kërkim Pashuk Vukulaj, 47 vjeç, banues në Tiranë, pasi Gjykata e Rrethit Gjyqësor Tiranë e ka dënuar me 6 muaj burg për Veprën Penale “Mashtrimi”, parashikuar nga neni 143/1 i Kodit Penal.
Rreth orës 23:30, u kap shtetasi në kërkim Erion Begaj, 28 vjeç, banues në Vlorë, Prokuroria e Rrethit Gjyqësor Vlorë e ka shpallur në kërkim, për veprat penale “Plagosje e lehtë me dashje” dhe “Armëmbajtje pa leje” parashikuar nga Nenet 89 dhe 278/4 të Kodit Penal, pasi më datë 26.02.2015, në lagjen “Kushtrimi” Vlorë, ka plagosur me armë zjarri, shtetasin A. H..
Rreth orës 23:50, në rrugën “Peti”, u ndalua shtetasi Omri Stobnik, 33 vjeç, shtetas Izraelit, banues në Tiranë. Gjatë kontrollit të mjetit tip “Mini Kuper”,i’u gjet dhe sekuestrua në cilësinë e provës materiale një pistoletë zhurmuese e cila u dërgua në laboratorin balistik për egzaminim.
Më datë 04.05.2016, rreth orës 00:10, u kap shtetasi në kërkim Ervis Papleka, 33 vjeç, banues në Tiranë, i dënuar më parë, sepse Gjykata e Rrethit Gjyqësor Tiranë, e ka dënuar me 6 muaj burg për Veprën Penale “Dhunë në familje”, parashikuar nga Neni 130/a i Kodit Penal./a.m.
