Drejtori i Policisë së Shtetit Haki Çako ka kërkuar angazhim maksimal nga ana e policisë për fenomeni mjaft shqetësues në Shqipëri, atë të dhunës në familje. Në një takim me drejtorët e policisë të qarqeve të zhvilluar mbrëmjen e djeshme, Çako është shprehur se policia e Shteti do ta ketë prioritet fenomenin e dhunës në familje, duke kërkuar nga struktura e policisë që të evidentojnë çdo konflikt, si dhe të mbahen në vëzhgim personat që kanë tendenca dhune.
“Dhuna në Familje, një vepër penale që tashmë po trajtohet me seriozitet nga ana e Policisë, por ju kërkoj që të rrisni akoma më shumë vëmendjen në këtë drejtim, duke evidentuar çdo konflikt, çdo ringjallje të konflikteve të mëparshme, duke mbajtur nën vëzhgim personat që kanë tendencë kriminale në këtë drejtim. Pavarësisht punës dhe ngarkesës së jashtëzakonshme që kemi, ky është një tjetër prioritet që duhet të kontribuojmë akoma më shumë, jo vetëm në drejtim të evidentimit dhe ndëshkimit, por edhe në drejtim të sensibilizimit dhe ndërgjegjësimit të shoqërisë.”, -tha Çako.
ma.me
