Kontrolle të rrepta të forcave policore po kryhen thuajse në të gjitha rrethet e vendit.
Masa të tilla janë evidentuar në Berat e në Fier mbrëmjen e sotme.
Policia disa prej njerëzve më të njohur të botës së krimit, iu ka kërkuar të justifikojnë pasuritë, përmes një pakete që është quajtur “anti-KÇK”.
Drejtoria kriminale në policinë e Shtetit në bashkëpunim me drejtoritë vendore kanë nisur një operacion në mbarë vendin për mjetet luksoze dhe mjetet e blinduara dhe për subjektet që preken nga akti normativ anti-KÇK.
Në qytete të ndryshme janë ngritur pika kontrolli që verifikojnë këto mjete.
Operacioni pritet që të vazhdojë me intensitet edhe në ditët e ardhshme.
Dhjetorin e kaluar, Rama kërcënoi me miratimin e një të ashtuquajture “paketë anti-KÇK”, përmes të cilës ai dëshiron të lehtësojë pezullimin e gjyqtarëve dhe prokurorëve para se këta të fundit të përballen me procesin e vetingut, por propozimi i bërë nga Bushka duket se shkon më tutje pasi edhe gjyqtarët e prokurorët që e kanë kaluar me sukses vetingun, mund t’i nënshtrohen një procesi të dytë pas dyshimeve që mund t’i lindin Inspektorit të Lartë të Drejtësisë.
Reforma në Drejtësi, prej së cilës pritej krijimi i institucioneve të reja, që do të godisnin edhe krimin e organizuar dhe korrupsionin, mund të “dublohet” nga kjo nismë e qeverisë.
Megjithatë parnerët ndërkombëtarë ende nuk janë shprehur kundër saj. Mësohet se ata e kanë justifikuar me faktin, nisur nga pakënaqësitë e tyre mbi luftën ndaj krimit dhe trafiqeve, si një përpjekje në punën kolosale që pret nga institucionet e reja të drejtësisë, në vendin tonë.
g.kosovari
