Tridhjetë raste të trafikimit me qenie njerëzore janë shënuar gjatë vitit që shkoi në Kosovë. Kurse, shumica e lypësve janë fëmijë që vinë nga Shqipëria, të cilët Policia i largon nga Kosova drejt Shqipërisë por të njëjtit sërish kthehen.
Kështu ka thënë zyrtarë të Ministrisë së Punëve të Brendshme gjatë raportimit në mbledhjen e komisionit për Siguri dhe Mbikëqyrje të FSK-së.
Zëvendësministri i Punëve të Brendshme, Milan Radojeviç tha se Kosova nuk është destinacion i këtyre viktimave, ndërsa, fëmijët dhe vajzat e reja janë viktima të trafikimit.
Megjithatë, ai tha se Qeveria e Kosovës bën përpjekje maksimale që të lëvizet në luftën kundër trafikimit të qenieve njerëzore, referuar Koha. (b.an)
