Hetimi vjen nën dyshimet se përgjigjja e policisë ishte e vonuar dhe e pafrytshme. Sipas dyshimeve hetimore,patrulla e policisë vonoi të shkojë në vendngjarje e po ashtu vonoi dhe ngritja e pikave të kontrollit përreth.
Bëhet fjalë për ngjarjen e 10 ditëve më parë në Elbasan ku atentatorë të paidentifikuar hapën zjarr ndaj një makine pasi më herët e kishin përplasur dhe i morën jetën 41 vjeçarit Everst Caka dhe plagosën gruan e tij Silvana, krim që ndodhi në lagjen “Skënderbej”, ku mbeti i vrarë 41-vjeçari dhe u plagos gruaja e tij, Silvana Caka.
Nga analizimi i rastit është parë se pas sinjalizimit në sallën operative për një ngjarje me armë, patrulla ka shkuar afër vendngjarjes, por jo tek vendi ku ndodhi krimi, duke sjellë kështu vonesë në reagim.
Po ashtu sipas analizimit të veprimeve të kryera është parë vonesë edhe në ngritjen e pikave të kontrollit duke u dhënë mundësi autorëve të largohen drejt një fshati të Kavajës ku dogjën edhe mjetin.
