Mijëra rrënjë kanabis sativa janë shkatërruar në këto orë të fundit. Duke nisur që nga Tepelena e përfunduar në Tropojë e gjithë Shqipëria është mbuluar nga hashashi.
Burimet zyrtare thanë se, policia gjatë 24 orëve ka gjetur dhe asgjësuar në total 8.945 bimë të dyshuara narkotike.
Ja zonat:
Tepelenë: Në Kurvelesh dhe në Krahës u gjetën të kultivuara dhe u asgjësuan 3.440 bimë të dyshuara narkotike të llojit kanabis sativa. te kultivuara në zona të pyllëzuara.
Qarku Shkodër: Në fshatin Gimaj, në vendin e quajtur “Radoje” dhe në vendin e quajtur “Përroi i Gimajve u gjetën dhe u asgjësuan 1.823 bimë narkotike
Krujë: Në fshatin Mallkuç, u gjetën të mbjella dhe u asgjësuan 1.100 bimë të dyshuara narkotike të llojit kanabis sativa. u shpall në kërkim një shtetas.
Bulqizë: Në fshatin Gjuras, në një zonë të pyllëzuar, në parcela pa pronar, u gjetën të kultivuara dhe u asgjësuan 943 bimë të dyshuara narkotike të llojit kanabis sativa.
Vlorë: Në pyllin e fshati Mavrovë-Kotë, u gjetën dhe u asgjësuan 650 bimë të dyshuara narkotike të llojit Kanabis sativa.
Tropojë: Në fshatin Tropojë e Vjetër, në vendin e quajtur “Përroi i Haklajve”, u gjetën të mbjella dhe u asgjësuan 477 bimë të dyshuara narkotike të llojit kanabis sativa.
Tiranë: Në Zall Herr, në vendin e quajtur “Liqeni i Qenamit”, u gjetën të mbjella dhe u asgjësuan 312 bimë të dyshuara narkotike të llojit kanabis sativa.
Përmet: Në fshatin Piskovë, në vendin e quajtur “Përroi i Alipostivanit”, me monitorim nga ajri, në një parcelë, u gjetën të kultivuara dhe u asgjësuan 110 bimë të dyshuara narkotike të llojit kanabis sativa.
Mallakastër: Në fshatin Ninësh, në vendin e quajtur “Përroi i Grebenerit”, në pyll, u gjetën të kultivuara dhe u asgjësuan 90 bimë të dyshuara narkotike të llojit kanabis sativa. (java / r.a)