51 bimë narkotike, cannabis sattiva janë asgjësuar në Mat me anë të djegies.
Në vijmësi të kontrollit të territorit për parandalimin e kultivimit të bimëve narkotike, Policia Mat ka konstatuar 51 bimë narkotike në fshatin Ketë, të dyshuar si cannabis sattiva.
Siç bëhet me dije dhe nga policia, bima ishte e kultivuar në një terren të vështirë e të thepisur.
Menjëherë pas konstatimit, policia e ka asgjësuar bimën narkotike me anë të djegies.
Ende nuk janë identifikuar autorët e kultivimit të bimës narkotike, por Kryeplaku i fshatit Kretë, S.M, po procedohet në gjendje të lirë për moskallëzim krimi.
Materialet i kaluan Prokurorisë Rrethit Gjyqësor Mat për veprime të mëtejshme.
