Policia anti-terror ka ndaluar dy persona, në lidhje me e-mailin kërcënues drejtuar Ministrit të Brendshëm, Saimir Tahiri.
Klodian Mahmmutaj dhe Valter Veshi janë dy personat që po merren në pyetje në drejtorinë e Tiranës.
Pas sulmeve terroriste në Paris, ministrit Tahiri iu dërgua një email kërcënues, nga Bigadat e Kuqe ku thuhej se tani radhën e ka Shqipëria, e cila, së bashku me të gjithë ata që janë kundër ISIS, do të provojë zemërimin e Allahut.
Është hera e dytë brenda dy muajve që në skenë dalin mesazhe kërcënuese nga “Brigadat e Kuqe”. I pari ishte pas arrestimit të Ismail Morinës, para ndeshjes me Serbinë, dhe kërkonte lirimin e tij, ndryshe do të kishte dhunë.
Pavarësisht kërcënimeve, asgjë nuk ndodhi.
