Gjatë 24 orëve të fundit, në të gjithë vendin janë gjobitur 361 qytetarë të cilët nuk mbanin maska mbrojtëse në rrugë, në kuadër të pandemisë së Covid-19.
Ata janë gjobitur me 30 mijë Lekë të vjetra. Ndërsa në komisariat janë shoqëruar 6 persona, të cilët nuk kanë pranuar t’i tregojnë punonjësve të policisë dokumentin e identifikimit. Pas verifikimit, u gjobitën me 30 mijë Lekë dhe u lanë të lirë.
Policia e Shtetit, krahas punës për parandalimin, evidentimin dhe goditjen e paligjshmërisë, sigurimin e rendit dhe qetësisë publike, do të vijojnë punën për monitorimin e zbatimit të masave anticovid në të gjithë vendin.
/a.r
