Policia e Shtetit vijon aksionin kundër paligjshmërisë. Sipas policisë, janë evidentuar 34 raste me 34 autorë sa i takon abuzimeve me energjinë. Nga këta 18 persona janë arrestuar në flagrancë, 13 autorë do ndiqen në gjendje të lirë, ndërsa 3 të tjerë janë shpallur në kërkim.
Sa i takon paligjshmërisë me ndërtimet pa leje, rezulton se janë evidentuar 25 raste. Policia ka arrestuar në flagrancë 7 persona, 15 po hetohen në gjendje të lirë, dhe 3 janë shpallur në kërkim.
Po kështu, policia njofton edhe për ndëshkimin e paligjshmërisë në prerjen e pyjeve. Uniformat blu kanë evidentuar 16 raste, ku 6 janë arrestuar në flagrancë, dhe 6 janë shpallur në kërkim.
Ndërkaq, 9 raste të paligjshmërisë me lojërat e fatit do të ndiqen në gjendje të lirë.
