Ministri i Drejtësisë Ylli Manjani ka shkarkuar menjëherë nga detyra policin e spitalit të burgjeve, Kujtim Ismaili.
Shkarkimi vjen menjëherë pas një incidenti të ndodhur në një lokal në Baldushk. Në efektin e alkoolit, Ismaili ka shkrepur armën e shërbimit.
“Punonjësi, i padenjë për të shërbyer! Të hetohet e gjykohet në rrethana rënduese”, është shprehur ministri Manjani.
Ndërkohë, në vijim të masave të marra janë larguar nga detyra edhe tre punonjës të policisë së burgjeve në burgune e Tepelenës, Ermal Halili, Gramos Shehu dhe Sofokleos Gogaj. Ata janë larguar në akuzën e shkeljes së kodit të etikës në punë që cënon imazhin e institucionit.
