Prokuror i çështjes është Afrim Shehu, ndërsa gjyqtar që do të vlerësojë masat Paulin Cera. Të gjithë të arrestuarit janë të pranishëm në gjykatë, për policin Gani Dama masa do të jepet në mungesë, pasi është ende në kërkim, ndërsa Astrit Nure, specialist armatimi, që është pezulluar nga detyra dhe është lënë në detyrim paraqitje, përfaqësohet me avokatin.
18 zyrtarët e policisë së qarkut të Durrësit dhe zyrtarët e pushtetit lokal që u arrestuan tre ditë më parë kanë dalë sot para gjykatës për njohjen me masën e sigurisë. Prokuror i çështjes është Afrim Shehu, ndërsa gjyqtar që do të vlerësojë masat Paulin Cera.
Të gjithë të arrestuarit janë të pranishëm në gjykatë, për policin Gani Dama masa do të jepet në mungesë, pasi është ende në kërkim, ndërsa Astrit Nure, specialist armatimi, që është pezulluar nga detyra dhe është lënë në detyrim paraqitje, përfaqësohet me avokatin.
Një detaj interesant nga seanca është fakti që kafazi i qelqtë ishte shumë i vogël për që qëndruar të gjithë dhe një pjesë e të arrestuarve po qëndrojnë jashtë tij. Report Tv sjell pamjet nga seanca që po zhvillohet në Durrës.
Të arrestuarit kishin krijuar një mekanizëm korruptiv me qëllim përfitimin e parave, ndërsa në këmbim jepnin lejet për ndërtime të shumta të paligjshme si objekte banimi, magazina, objekte biznesi etj. Me anë të kësaj skeme abuzive ata shmangnin zbatimin e legjislacionit në fushën urbanistike dhe sigurimit teknik të tyre.
Por përveçse kanë favorizuar biznesmenët të ndërtojnë pa leje, kanë falsifikuar dokumentet, nuk kanë raportuar ngjarjet kriminale, dhe më tej akoma, kanë fshehur kallëzimet e bërë nga qytetarë të ndryshëm për abuzimet që po ndodhnin në këto zona me ndërtimet pa leje.
Të pandehurit para gjykatës
Të arrestuarit dhe i shpalluri në kërkim:
Besnik Domi-shef rendi në Shijak
Sami Xhafa-shefi i stacionit policisë Manzë
Ermal Petova-OPGj Manzë
Nikollë Marku-OPGj Manzë
Agim Osmani-ndihmës specialist policia Durrës
Haxhi Sherra-ndihmës specialist Komisariati Shijak
Petrit Neziri-ndihmës specialist policia Manzë
Ndricim Shika-ndihmës specialist policia Shijak
Gjergji Gerco-sekretar njësisë administrative Sukth
Jul kacadej-specialist IMT-ja Shijak
Marjus Shaini-kryeinspektor IMT-ja Shijak
Adem Lika-ndërtues
Dëshir Dakoli- me detyrë ndihmës specialist/SPZ, në Komisariatin e Policisë Durrës
Astrit Nuri- specialist i armatimit në në policinë e Durrësit (detyrim paraqitje)
Dritan Koçi- Posesdues dhe zhvillues i ndërtimi pa leje
Paulin Meta- Posesdues dhe zhvillues i ndërtimi pa leje
Gjon Zefi- Posesdues dhe zhvillues i ndërtimi pa leje.
Qerim Doka- Posesdues dhe zhvillues i ndërtimi pa leje
Gani Dama-polic patrulle (në kërkim)
Seanca për abuzuesit me ndërtimet në Durrës, polici përfundon në urgjencë
E ndërsa po vijonte seanca për njohjen me masën e sigurisë, Agim Osmani-ndihmës specialist në policinë e Durrësit ka pasur probleme shëndetësore, aritmi, duke u dërguar me urgjencë në spital. Report TV në Durrës, raporton se Osmani ndodhet në spital jashtë rrezikut, pasi ka marrë ndihmën e parë.
