Dy persona janë plagosur si pasojë e shpërthimit të një granate në fshatin Vërdovë të Pogradecit. Ngjarja ka ndodhur mëngjesin e sotëm, ndërsa të plagosurit janë E.G 22 vjeç dhe R. M 52 vjeç, të cilët janë dërguar në spitalin e Pogradecit për ndihmë mjekësore, ku mësohet se 22-vjecari është në gjendje të rëndë shëndetësore.
Sipas policisë, të plagosurit ishin duke kryer punimet për tubacionet e ujësjellësit kur kanë rënë në kontakt me një granatë të vjetër e cila ka shpërthyer. Paraprakisht raportohet se personat e plagosur nuk janë punonjës të ujësjellësit, por banorë të zonës që po punonin privatisht në tubacionet e ujësjellësit të fshatit. Grupi hetimor po punon për sqarimin e plotë të rrethanave të ngjarjes.
ma.me
