Një pushues është gjetur i vdekur paraditen e sotme, në banesën që kishte marrë me qira në Pogradec.
Viktima është një burrë rreth 55 vjeç, i cili është gjetur i vdekur nga pronari i banesës.
Pasi nuk e kishte parë në mëngjes, ai i kishte trokitur dhe kur hapi derën, e gjeti të vdekur.
Në trupin e viktimës nuk janë konstatuar shenja dhune, çka shton dyshimet se viktima të ketë gjetur vdekjen për shkaqe natyrale.
Lidhur me ngjarjen hetimet janë në vijim nga ana e policisë, ndërkohë që ekspertiza në trupin e të ndjerit, pritet të hedhë dritë mbi shkakun e vdekjes.
