Agjentët e krimeve në komisariatin e policisë së Pogradecit kanë vënë në pranga pasditen e së shtunës një 37-vjeçar.
Arrestimi i shtetasit Zamir Hoxhallari, nga fshati Buçimas, ka ardhur pasi më herët gjatë ditës ishte përfshirë në një konflikt të lindur për motive të dobëta me një person tjetër.
Nga përplasja mbeti i plagosur me thikë 29-vjeçari me inicialet D.H, i cili pas mjekimit paraprak u nis për mjekim të specializuar në Tiranë.
Ndërkohë, materialet hetimore i kanë kaluar prokurorisë së rrethit, për veprën penale “plagosje e rëndë me dashje”.
