Shpërthimi i granatës në Pogradec, rezultoi fatal për djalin e ri që mori plagë të rënda. Ai ndërroi jetë në moshën vetëm 22 vjeç.
Daja i tij, gjendet në spital, pasi edhe ai u plagos seriozisht në incidentin që ndodhi tre ditë më parë në Vërdovë të Pogradecit, raporton noa.al.
Granata ndodhej në oborrin pranë banesave të tyre dhe shpërthimi ishte i papritur. Në ato momente, dajë e nip kanë qenë duke ndërhyrë në tubacionet e ujësjellësit.
Dajë e nip u dërguan në Spitalin e Traumës në kryeqytet po 22-vjeçari nuk mundi t’i shpëtonte plagëve të marra.
Policia thotë se po kryen hetime për zbardhjen e plotë të rrethanave të kësaj ngjarje të rëndë. Deri tani nuk ka një vlerësim për ngjarjen që të bëhet publik për median./a.k
