Raiola ka mohuar shkrimet e mediave spanjolle, sipas të cilave Paul Pogba ka nënshkruar parakontratë me katalunasit. Agjenti i Paul Pogbas, Mino Raiola, i ka quajtur të pakuptimta shkrimet e mediave spanjolle, duke thënë se Pogba nuk do të transferohet në Barcelonë.
“Shkrimet e publikuara nga mediat spanjolle, janë të pakuptimshme”, kishte shkruar Raiola në rrjetet sociale. Përveç kësaj, Raiola ka përmendur edhe Pep Guardiolën, duke lënë të kuptohet se Pogba mund të transferohet në Manchester City sezonin e ardhshëm, aty ku trajner do të jetë pikërisht spanjolli.
