Më 5 shtator bëhen 18 vjet nga vdekja e nobelistes Gonxhe Bojaxhiu – Nënë Tereza.
Në këtë ditë do të promovohet edhe himni i krijuar nga vargjet e poezisë që ajo i shkroi.
Nobelistja këta rreshta i kishte shkruar gjatë rrugës që kishte bërë prej Irlandës në Kalkutë, në vitin 1928.
Vargjet e poezisë së saj do të interpretohen nga këngëtarja shqiptare Inva Mula.
“Inva Mula vendos se me kë do ta këndojë këtë himn me Filarmoninë e Kosovës apo me Filarmoninë e Shqipërisë”, i ka thënë Don Lush Gjergji.
Për të diskutuar rreth përvjetorit të bamirëses Bojaxhiu, Don Lush Gjergji gjatë ditës së sotme është takuar edhe me kryeparlamentarin Kadri Veseli.
Kombet e Bashkuara e kanë shpallur 5 shtatorin si Ditën Ndërkombëtare të Bamirësisë, duke e kujtuar datën e vdekjes së nobelistes shqiptare Nënë Tereza.
