Real Madridi – për të cilin së fundmi mediat e ndryshme kanë raportuar se është i interesuar për trajnerin e Tottenhamit, Mauricio Pochettinon – mund të rrijë i qetë pasi argjentinasi nuk do ta marrë kurrë drejtimin e rivalit të tij të madh, Barcelonës.
Me përkushtimin që e ka treguar për Tottenhamin dhe Espanyolin, Pochettino ka garantuar se kurrë nuk do të mundë ta tradhtojë asnjërin prej tyre duke drejtuar rivalët e tyre, Arsenalin dhe Barcelonën, transmeton Express.
“Jam i qartë, kurrë nuk do të jem trajner i Barcelonës apo Arsenalit, sepse unë identifikohem shumë me Tottenhamin dhe Espanyolin”, ka thënë Pochettino për gazetarët.
“Ky është vendimi im, sepse më parë preferoj të punoj në fermën time në Argjentinë se në disa vende. Por, përkushtimi im ndaj Spurs është i madh. Po punoj sikur do të jem këtu përgjithmonë”, ka përfunduar ai, përgatiti Express. (b.an)
