Trajneri i Tottenhamit, Mauricio Pochettino, ka deklaruar se Harry Kane është “më i mirë” se Cristiano Ronaldo, katër herë fituesi i “Topit të Artë”.
32-vjeçari ka shënuar 410 gola në të gjitha garat për tetë vjet si dhe shkëlqeu edhe ndaj Dortmundit në Ligën e Kampionëve të martën duke shënuar dy herë në fitoren 3 me 1. Në anën tjetër, Kane realizoi tre gola në fitoren 3 me 0 ndaj APOEL-it.Edhe pse Ronaldo është larg me gola të shënuar, Pochettino thotë se sulmuesi i Tottenhamit është më i mirë.
“Cristiano është fantastik, një nga më të mirët. Harry është ndër më të mirët dhe ndoshta edhe më i mirë sepse është i ri, por nuk mund të flas për këtë sepse të dy janë fantastikë, lojtarë që të gjithë i duan në skuadër”, ka thënë Pochettino.
I pyetur nëse do të kishte të dy në të njëjtën skuadër, Pochettino ka thënë se do të zgjidhte Harryn përpara Ronaldos sepse ka diçka të veçantë para golit dhe për këtë është ndër më të mirët.
Kane nuk ka fituar akoma asnjë trofe në karrierën e tij, përgatiti Koha. (b.an)
