Pas 15 vitesh, planeti ynë pritet të përballet me atë që konsiderohet si një periudhë e vogël akullnajash. Parashikimi vjen nga një studim i shkencëtarëve të Shoqërisë Mbretërore Astronomike në Britaninë e Madhe.
Revista shkencore ‘Science Daily’ citon profesoren Valentina Zharkova, që ka drejtuar studimin, të jetë shprehur se në 11 vitet e fundit aktiviteti i diellit ka qenë në kulmin e tij, por tashmë ka rrezatimi ka nisur të bjerë. Kjo është vënë re edhe nga kqyrjet përmes teleskopëve, me anë të cilave është vënë re një zvogëlim i konsiderueshëm i shpërthimeve të mëdha diellore.
Sipas shkencëtarëve, aktiviteti i diellit do të dobësohet deri në 60% më pak se rrezatimi i deritanishëm. Një pjesë e studiuesve mendojnë se planeti ynë, pas vitit 2030 do të nisë një cikël të ngjashëm të një periudhe të ftohtë, si ajo që filloi në vitet 1300 dhe zgjati për 600 vite me rradhë.