Shefi i Grupit Parlamentar të Nismës Socialdemokrate, Bilall Sherifi, ka folur për mundësinë e rrëzimit të qeverisë së vendit, që udhëhiqet nga Ramush Haradinaj.
Presidenti i Kosovës, Hashim Thaçi, e ka kërcënuar shefin e ekzekutivit se mund të largohet nga posti i tij, pasi Haradinaj i ka thënë atij se nuk do ta lejojë ta prekë territorin e vendit.
Sherifi ka thënë, gjatë një paraqitjeje në emisionin “DPT Te Fidani”, në televizionin T7, se një rrëzim i qeverisë nga Thaçi do të linte të kuptohej se ai ka marrëveshje me parti të opozitës.“Nëse Thaçi e rrëzon qeverinë, ka koalicion me LDK’në dhe një pjesë të VV’së”, është shprehur Sherifi, përgatiti ”Express”. (b.an)
