Një sasi lënde narkotike është sekuestruar në Vlorë gjatë një aksioni të policisë për goditjen e aktivitetit të shitjes së lëndëve narkotike.
Në pranga kanë rënë B.Sh. 26 vjeç dhe 20-vjeçarja S.Ll., të dy banues në Vlorë.
Në makinën e drejtuar nga 26-vjeçari u gjet një sasi prej 600 gramë kanabis. Nga veprimet hetimore dyshohet se lënda narkotike po transportohej me qëllim shitjen.
Lënda narkotike u sekuestrua në cilësinë e provës materiale, së bashku me automjetin me të cilin po transportohej dhe me celularët e të arrestuarve.
Vijojnë veprimet hetimore për dokumentimin e plotë të kësaj veprimtarie kriminale, si dhe për identifikimin dhe vënien përpara përgjegjësisë penale të shtetasve të tjerë të përfshirë në të.
/a.r
