Bazuar dhe në të dhënat e grumbulluara në rrugë operative, se një shtetas posedonte dhe shpërndante lëndë narkotike në zona të ndryshme të qytetit të Tiranës, policia bëri të mundur kapja dhe arrestimi në flagrancë i shtetasit I. L., 25 vjeç, banues në Tiranë, për veprën penale “Prodhimi dhe shitja e narkotikëve”.
Gjithashtu u proceduan penalisht në gjendje të lirë shtetasit K. A., 22 vjeç, banues në Tiranë, për veprën penale “Prodhimi dhe shitja e narkotikëve” dhe C. D., 20 vjeçe, banuese në Tiranë, për veprën penale “Moskallëzimi i krimit”.
Shërbimet e Policisë kanë lokalizuar mbrëmjen e djeshme, në rrugën “Ali Demi”, automjetin me drejtues I. L. dhe pasagjere shtetasen C. D. I . L., pasi ka ndaluar automjetin, i ka dhënë nga dritarja, K. A., një sasi lënde të dyshuar narkotike, e cila u sekuestrua në cilësinë e provës materiale.
Gjatë kontrollit në banesën e I. L., shërbimet e Policisë kanë gjetur dhe sekuestruar në cilësinë e provës materiale 3.4 kg lëndë të dyshuar narkotike cannabis sativa.
Vijojnë veprimet hetimore për dokumentimin e plotë të veprimtarisë kriminale të I. L.
Materialet i kaluan Prokurorisë, për veprime të mëtejshme. (noa.al/M.D)
g.kosovari
