Epidemiologia Rovena Daja deklaroi se baret, klubet e natës dhe pishinat duhet të jenë të mbyllura pasi rrisin përhapjen e Covid-19 dhe mundësinë për t’u infektuar me koronavirus.
E ftuar në “Repolitix”, Daja tha se është shumë e rrezikshme edhe të shkosh në restorante dhe stadiume.
Ajo madje shtoi se gjatë muajit të Ramazanit, ka pasur persona pozitivë me Covid-19, që shkonin në xhami, pavarësisht këtyre gjërave.
“Ka pasur besimtarët që kanë qenë pozitivë gjatë muajit të Ramazanit, persona që frekuentonin të njëjtën xhami e që kishin lidhje me njëri-tjetrin,”- tha Daja ndër të tjera.
Më tej Daja deklaroi se ka persona që kanë thyer karantinën, por Kodi Penal por nuk është zbatuar. “Ka pasur raste që kanë dalë duke pirë kafe edhe pse e dinin që ishin pozitivë. Ka edhe rast kur fëmijët kanë dalë duke luajtur me të tjerët jashtë”, tha Daja.
g.kosovari
