Një polic dhe një deputet grek janë shoqëruar në Komisariatin e Gjirokastrës pasi u ndaluan nga një postobllok policie.
Polici që e shoqëronte deputetin u arrestuar pasi ishte i armatosur, gjë që nuk e kishte deklaruar në doganë.
Ndërsa deputeti grek është shoqëruar në polici dhe më pas është lënë i lirë.
Ende nuk dihet identiteti i deputetit ndërsa për policin, Policia ka shpërndarë deklaratën e mëposhtme:
NJOFTIMI I PLOTË:
Policia arreston në flagrancë një shtetas grek me detyrë punonjës policie.
Sekuestrohet në cilësinë e provës materiale një armë zjarri e tipit “pistoletë” me 6 fishekë.
Nga Specialistët për Hetimin e Krimit në Komisariatin e Policisë Sarandë u bë arrestimi në flagrancë i shtetasit:
– M. G, 35 vjeç, banues në Gumenicë, Greqi (me detyrë punonjës policie në Igumenicë, Greqi).
Arrestimi i tij u bë pasi më datë 08.12.2018, rreth orës 09.45, në aksin rrugor “Sarandë-Gjirokastër”, në vendin e quajtur “Ura e Kranesë”, ky shtetas duke udhëtuar në drejtim të fshatit Bularat, Gjirokastër është kapur në flagrancë nga shërbimet e policisë me një armë zjarri pa leje, e tipit “pistoletë” me 6 fishekë.
Materialet në ngarkim të tij i kaluan Prokurorisë pranë Gjykatës të Shkallës së Parë Sarandë për veprime të mëtejshme për veprën penale “Prodhimi dhe mbajtja pa leje e armëve luftarake dhe e municionit”, parashikuar nga neni 278 i Kodit Penal.
/a.r
