Policia e Durrësit ka vënë në pranga tre persona të cilët ushtronin aktivitetin kriminal të trafikut të drogës.
Në kuadër të operacionit të koduar “Pure drugs” u arrestuan shtetasit Aleksandër Gumeni, Frenkli Domi dhe Antonjo Ndoja. Ky i fundit i dënuar më parë për veprën penale “Drejtimi i automjetit në mënyrë të parregullt”, banues në Durrës. Shtetasit u kapën në një lokal në qytetin bregdetar duke shkëmbyer 1 kg e 113.5 gr lëndë narkotike të llojit kokainë.
Gjatë kontrollove iu sekuestruan një sasi prej 1 kg lëndë narkotike kokainë dhe municion luftarak.
Njoftimi i policisë:
“Gjatë operacionit, në bazë të informacioneve të siguruara se këta shtetas po tentonin të kryenin shitblerjen e një sasie kokaine, shërbimet e Policisë kanë konstatuar në një lokal në lagjen nr. 13, Plazh, Durrës, këta tre shtetas duke shkëmbyer 1 kg e 113.5 gr. lëndë narkotike të dyshuar kokainë. Në vijim të operacionit, gjatë kontrollit në banesën e shtetasit A. N., shërbimet e Policisë kanë gjetur një krehër dhe 33 fishekë. Në përfundim të veprimeve u bë arrestimi i shtetasve A. G., A. N., F. D. dhe sekuestrimi i lëndës narkotike dhe fishekëve. Materialet i kaluan Prokurorisë së Rrethit Gjyqësor Durrës, për veprat penale “Prodhimi dhe shitja e narkotikëve” dhe “Mbajtja pa leje e municionit luftarak” kryer në bashkëpunim.
g.kosovari
