Kisha e Suedisë në Goteborg është ngarkuar nga Agjencia Kombëtare për Emergjencat Civile (MSB) të përgatitet për mundësinë e varrosjes së 30,000 ushtarëve në rast lufte ose një “fatkeqësie të madhe”.
Lajmi raportohet nga Nordic Times, e cila shkruan se udhëheqësit suedezë së fundmi janë përpjekur të përcjellin mesazhin se Suedia tashmë është në luftë me Rusinë, ose të paktën që lufta mund të kthehet së shpejti në një realitet.
Autoritetet u kërkuan gjithashtu kishave suedeze dhe drejtorëve të funeralit të përgatisin dhe të sigurojnë terrenin për të varrosur një numër shumë të madh të të vdekurve në një kohë të shkurtër.
“Ne duhet të jemi gati për të varrosur ushtarët e rënë. Duhet të nisim përgatitjet tani!”, tha Katarina Evenseth, drejtuese e varrezave në Kishën Luterane të Suedisë, e cila menaxhon shumicën e varrezave në komunën e Goteborgut.
Autoritetet ui kërkuan qytetit të përgatiste dhjetë hektarë tokë në mënyrë që të rast nevoje, të ishte e mundur varrosja e 5 përqind e popullatës në një kohë shumë të shkurtër.
