Në emsionin “Java në RTSH”, shefi i qarkullimit rrugor Erjon Ahmeti tha se kudo janë shërbimet prezente.
Ai paralajmëron qytetarët që të kenë kujdes pasi janë nën vëzhgim sepse ka aparate matës dhe radarë edhe në të gjitha pjesët ku nuk ka policë.
“Nëse nuk ka polici në rrugë nuk do të thotë se nuk je nën vezhgim, je më tepër, është dikush që të vëzhgon, duhet të kesh 3-fish kujdes. Teknologjia e bën këtë punë. Shërbimet tona janë prezentë. Ka aparate matës dhe radarë. Aktualisht është bërë një shtrirje e shërbimeve dhe në kohë reale konstatohet dhe evidentohet sipas fushës cdo rast i lajmëruar nga qytetarët,” – u shpreh Ahmeti.
I pyetur në panelin me analistët Lorenc Vangjeli dhe Prec Zogaj se kush janë më tepër të përfshirë në aksidente burrat apo gratë, Ahmeti tha se në të dyja gjinitë ka drejtues mjetesh që kryejnë vepra të rënda dhe përfundojnë në fatalitet.
“Në të dyja gjinitë kemi drejtues mjetesh që kryejnë vepra të rënda që shkojnë në fatalitet. Të gjitha grupmoshat kanë shkelje,”- u shpreh shefi i qarkullimit rrugor në emisionin “Java në RTSH”.
/b.h
