Një ngjarje e rëndë është raportuar pak më parë në afërsi të Saukut, ku një person i armatosur po ndiqej nga forcat Shqiponja.
Raportohet se më pas ai ka përplasur disa makina, përfshirë një motor.
Si pasojë e përplasjes, një polic jashtë shërbimit së bashku me bashkëshorten kanë mbetur të lënduar.
Polici ndodhet në gjendje të rëndë shëndetësore, si pasojë e përplasjes.
Autori është arrestuar nga forcat policore, teksa iu gjet edhe arma.
INFORMACION I DETAJUAR:
Policia e Tiranës jep detaje në lidhje me ngjarjen në zonën e Liqenit të Thatë në kryeqytet, ku dy persona, burrë e grua mbetën të plagosur.
Sipas të dhënave, forcat Shqiponja kanë tentuar të ndalojnë në mjet ku udhëtonte shtetasi Imer Krrashi, pasi kishin informacione se ai udhëtonte i armatosur.
31 vjeçari nuk i është bindur urdhrit dhe ka vijuar lëvizjen me shpejtësi duke përplasur disa automjete dhe 1 motomjet. Si pasojë është dëmtuar drejtuesi dhe pasagjeri në motomjet, të cilët ndodhen në spital.
Pas një ndjekje intensive u bë ndalimi i automjetit. Gjatë kontrollit të automjetit i është gjetur një armë zjarri pistoletë.
