Po ndërtonin pa leje, arrestohen sipërmarrësi dhe inxhinieri i firmës
Sipërmarrësi dhe inxhinieri i një firme ndërtimi përfunduan në pranga, pasi u zbuluan duke ndërtuar pa leje. Seksioni Kundër Korrupsionit në Drejtorinë e Policisë së Qarkut Tiranë, në bashkëpunim me Komisariatin e Policisë Nr.1 Tiranë, arrestuan shtetasit:
Bilbil Kovac Hasaj, 46 vjeç, lindur në Fier dhe banues në Tirane, me detyrën e sipërmarrësit të një firme private.
Genti Cano, 44 vjeç, lindur e banues në Tiranë, me detyrë inxhinier elektricist, pranë kësaj firme.
Lidhur me këtë çështje, efektivët nisën hetimin e mirëfilltë ndaj dy punonjësve shtetërorë.
Arrestimi i dy shtetasve u krye pasi dyshohen se, kanë konsumuar elementë të veprës penale të “Ndërtimit të Paligjshëm”, si dhe të “Shpërdorimit të detyrës”, (për disa punonjës) pasi rreth orës 11:30 më datë 27.08.2915 është konstatuar se, në “Selitë” mbi Kopshtin Botanik Tiranë në një kompleks tre kulla 6 + 1, të cilat po ndërtohen nga kjo firma private, po kryenin punime pa leje ndërtimi.
Nga hetimet paraprake të kryera nga Komisariati i Policisë Nr.1 dhe Seksionit Kundër Korrupsionit, rezultoi se kjo firmë nuk dispononte leje nga institucionet përkatëse. Aktualisht, po vijojnë hetimet për zbardhjen e plotë të rastit.
Materialet procedurale i kaluan Prokurorisë së Rrethit Gjyqësor Tiranë, në ngarkim të dy shtetasve për veprat penale të “Ndërtimit të Paligjshëm”, si dhe të “Shpërdorimit të detyrës”, parashikuar nga nenet 199/a dhe 248 të Kodit Penal.
