Një 11-vjeçare me origjinë shqiptare është plagosur në Itali. E vogla ka qenë duke luajtur dhe aksidentalisht ka plagosur veten me sfurk.
Siç shkruajnë mediat italiane, ngjarja ka ndodhur në një fermë në Casa Bella, një fshat në Ziano Piacentino. E vogla ishte duke lëvizur me një biçikletë dhe gjatë kësaj kohe ka mbajtur në dorë sfurkun.
Por në një moment ajo është rrëzuar dhe ka rënë sipër sfurkut. Për pasojë ka marrë disa plagë në bark. Vogëlushja është dërguar menjëherë në spital pas ngjarjes për të marrë ndihmën e nevojshme mjekësore.
Deri më tani identiteti i saj nuk është bërë publik.
/a.r
