Donald Trump tundi kokën dhe nënqeshi në gjykatë, në momentin kur ish-avokati i tij, Michael Cohen, pranoi se ka vjedhur para nga organizata Trump. Avokati mbrojtës i Donald Trump, Todd Blanche, e pyeti Cohenin se si arriti t’i merrte paratë nga kompania Trump.
“Ti vodhe nga Organizata Trump bazuar në rimbursimet e pritshme?”, pyeti Blanche.
“,Po, zotëri”, u përgjigj Cohen.
“Dëshmia se Michael Cohen ka futur në xhep për veten e tij diferencën midis asaj që i është dhënë dhe asaj që ka paguar, është nxjerrë në një mënyrë shumë të ulët nga prokuroria gjatë ekzaminimit të tyre të drejtpërdrejtë. Është e qartë se Todd Blanche e ka goditur atë shumë më fort, duke përdorur termin vjedhje”, tha avokati mbrojtës Ron Kuby.
“Michael Cohen është gënjeshtar i lindur dhe nuk ka asnjë besueshmëri”, deklaroi Donald Trump.
Në vitin 2017, Cohen mashtroi Kongresin për investimin e Trump në Moskë dhe ku akuzohet se ka marrë pjesë dhe ish-avokati. Ai u deklarua fajtor për këtë fakt. Pas dy vitesh, doli para Kongresit dhe bëri mea culpa.
“Unë kam mashtruar. Por, nuk jam gënjeshtar. Kam bërë gjëra të këqija. Por, nuk jam njeri i keq”, tha Michael Cohen, ish-avokat i Donald Trump.
Disa muaj para dëshmisë së tij në Kongres, Cohen u deklaruar fajtor për tetë akuza, përfshirë dhe financimin e paligjshëm të Stormy Daniels, mashtrime me taksat dhe deklarimet, e cila lidhet me biznesin e tij të licencave të shërbimeve taksi.
Cohen i pranoi akuzat dhe tha se të gjitha i ka bërë nën urdhërat e Donald Trump.
“Cohen ishte i pakënaqur me faktin që ai nuk u pranua në Shtëpinë e Bardhë. Cohen u bë gjithnjë e më i zemëruar për faktin se ai po mbahej në distancë nga Donald Trump”, u shpreh Marc Fisher, biograf i Donald Trump.
“Ne të gjithë e dimë, njerëzit e këqij dhe madje edhe gënjeshtarët mund të thonë të vërtetën. Gjithçka që prokuroria duhet të thotë gjatë mbledhjes së tyre është “Po, Michael Cohen është një person me probleme të thella. Por, e dini çfarë? Ne nuk zgjodhëm Michael Cohen, Donald Trump zgjodhi Michael Cohen”, tha avokati mbrojtës Ron Kuby.
/a.r
