Një person u arrestua nga policia në Kamzë gjatë mbrëmjes së djeshme, pasi ishte identifikuar përmes kamerave të sigurisë se ishte ai personi në mjetin tip BMW X5 që kishte aksidentuar një të mitur.
Në pranga ra shtetasi Kudusi Kastrati, raporton “News 24”.
Mësohet se ai kishte aksidentuar një 16-vjeçare në Kamëz e cila po kalonte tek vijat e bardha dhe më pas ishte larguar duke mos i ardhur në ndihmë të miturës.
Vajza u transportua në spital për ndihme mjekësore dhe ndodhet jashtë rrezikut për jetën.
Falë kamerave në vendngjarje policia identifikoi autorin të cilin e arrestoi në mbrëmje pranë një lokali në Kamëz në gjendje të dehur, ndërsa mjetin e kishte parkuar jashtë lokalit.
Mjeti u sekuestrua nga policia dhe përveç arrestit Kudusi Kastratit iu vendos gjobë dhe iu ulën pikë në patentë.
