Një studente mbeti e plagosur mëngjesin e kësaj të premteje në Korçë, pasi u përplas nga një makinë. Gazetarja e Klan News, Daniela Zisi raporton se ngjarja ndodhi në afërsi të universitetit Fan Noli.
Sipas policisë, studentja ka qenë duke kaluar rrugën për të hyrë në universitet, ndërsa një mjet për shkak të shpejtësisë e ka goditur. Pas ngjarjes shoferi është larguar nga vendngjarja.
Sipas informacioneve studentja ka marrë dëmtime në këmbë, ndërsa u transportua menjëherë me ambulancë drejt spitalit të Korçës. Policia ndodhet në vendngjarje për zbardhjen e rrethanave dhe po ashtu për kapjen e drejtuesit të mjetit.
/a.r
